വഴുതുന്ന വഴുതനിങ്ങയും രാഷ്ട്രീയ പാര്‍ട്ടികളും..!!

വാര്‍ത്തകളില്‍ ആകെ മൊത്തം ശ്രീനിജനും, കെ.ജി.ബി യും, അനധികൃത സ്വത്ത് സമ്പാദനവും, നിയമനത്തട്ടിപ്പ്, ലോട്ടറിത്തട്ടിപ്പ്, മുഖ്യമന്ത്രിയുടെ കത്ത്, മറുപടിക്കത്ത്, വാഗ്വാദം, എന്‍ഡോസള്‍ഫാന്‍, 2ജി സ്പെക്ട്രം, റോഡിലെ കുഴി പിന്നെ മേമ്പൊടിയായി പീഢനങ്ങളും വാര്‍ത്തകള്‍ കേട്ട് കേട്ടും വായിച്ച് വായിച്ചും മടുത്തു...രാഷ്ട്രീയക്കാര്‍ക്ക് പുതുതായി മറ്റൊരു വിഷയവും കിട്ടാത്തതുകൊണ്ടായിരിക്കാം ജനിതക വിത്തുകള്‍ വിളയിപ്പിച്ച് നോക്കാം എന്ന് കരുതി ഇറങ്ങിത്തിരിച്ചത്. വിത്ത് വിതക്കാന്‍ ചെന്നപ്പോളല്ലെ വിവരം അറിയുന്നത്.. വിളയുന്ന മുറക്ക് വെട്ടിനിരത്താന്‍ തക്കം പാര്‍ത്തിരിക്കുന്നു മറ്റൊരു കൂട്ടര്‍.. ബിടി വഴുതനങയോ ബിടി പരുത്തിയോ കേരളത്തില്‍ എവിടെയെങ്കിലും കണ്ടു പോയാല്‍ പറിച്ച് അവിയല്‌ പരുവമാക്കിക്കളയും എന്നാണ്‌ നിലപാട്. ജൈവ സാങ്കേതിക വിദ്യയും അതുവഴി ഉല്‍പാദിപ്പിക്കുന്ന ജനിതക മാറ്റം വരുത്തിയ വിത്തുകളും അവയുടെ ഉപയോഗവും അനന്തര ദൂക്ഷ്യ ഫലങ്ങളും ജൈവ സാങ്കേതിക വിദഗ്‍ദ്ധരെ ഏല്‍പ്പിച്ച് അവരുടെ പഠന റിപ്പോര്‍ട്ടിനനുസരിച്ച് തീരുമാനത്തിലെത്തുന്നതല്ലെ നല്ലത്.. നാട്ടുകാര്‍ക്കുപയോഗപ്രദമാകുന്ന മറ്റെത്രയോ പ്രാഥമിക വിഷയങ്ങളുണ്ട് നിലവില്‍ രാഷ്ട്രീയക്കാര്‍ക്ക് ആലോചിച്ച് തല പുണ്ണാക്കാനും ഇടപെടാനും...