നമ്മുടെ പ്രധാന മന്ത്രി ഇയ്യിടെ ഒരു ഘഡാ ഘഡിയൻ പ്രസ്താവന നടത്തി..
"അടിക്കടിയുണ്ടാകുന്ന വിലക്കയറ്റം രാജ്യത്തിന്റെ സാമ്പത്തിക വളർച്ചയുടെ ലക്ഷണമാണ്"
ഉള്ളതായിരിക്കും അല്ലേ..??
ഇദ്ദേഹം വെറും പ്രധാനമന്ത്രി മാത്രമല്ല. ലോകബാങ്കിലും മറ്റും സേവനമനുഷ്ടിച്ചിട്ടുള്ള ധനകാര്യ വിദഗ്ധനുമൊക്കെയാണ് ..അപ്പോൾ വെറും ഉഡായിപ്പ് പ്രഖ്യാപനം അല്ലായിരിക്കും.. ഇതിലെന്തെങ്കിലും കാണും.. നമ്മള് പാവങ്ങക്ക് എന്തരറിയാം..എന്തരോ എന്തോ..??
ഈ സിദ്ധാന്തം ശെരിയാണെങ്കിൽ മത്തായിയുടെ സംശയങ്ങൾ ആര് തീർത്ത് കൊടുക്കും..
സംശയം ഒന്ന് മത്തായി വക: പന്നിപ്പനി, എലിപ്പനി, വരട്ട് ചൊറി തുടങ്ങിയ കണാകുണരോഗങ്ങൾ നമ്മുടെ നാട്ടിൽ വർദ്ധിച്ച് വരുന്നത്
നമ്മുടെ ആരോഗ്യമേഖലയുടെ വളർച്ചയാണ് സൂചിപ്പിക്കുന്നത്; തന്നീ അണ്ണാ..???
സംശയം രണ്ട് മത്തായി വക: പീഠനം, ബലാൽസംഗം, പിടിച്ച് പറി, ക്വട്ടേഷൻ എന്നിവ അടിക്കടി കൂടിക്കൂടി വരുന്നത്; നമ്മുടെ ക്രമസമാധാന
പാലന രംഗം വളർന്ന് പന്തലിച്ചത് കൊണ്ടാണ്; ശെരിയാണാ അണ്ണാ..??
സംശയം മൂന്ന് മത്തായി വക: ജയിലിലേക്ക് പോകുന്ന രാഷ്ട്രീയ നേതാക്കന്മാരുടേയും, കേന്ദ്ര മന്ത്രിമാരുടെയും എണ്ണം കൂടിക്കൂടിവരുന്നത്;
നമ്മുടെ ജനാധിപത്യ വ്യവസ്ഥിതി ഇത്രക്കും വളർന്നിട്ടാണ് അല്ലീ അണ്ണാ..?
(മതി..മതി.. മത്തായി.. ബാക്കി വായിക്കുന്നോര് ഊഹിച്ചോളും..)
അണ്ണാ ഇത് ഒരു ഒനൊന്നര സിദ്ധാന്തം തന്ന കേട്ടാ..!!